Peter Hess® звучна масажа – Модул 2: работа со биоенергетското поле

По усвојувањето на основите на Peter Hess® звучната масажа во Модул 1, Модул 2 претставува следниот чекор во едукацијата, со фокус на примената на Peter Hess® звучните методи во работа со биоенергетското поле.

Овој дводневен семинар носи нови знаења и практични искуства, но и можност за продлабочување на сопствената перцепција, проширување на чувствителноста за звук и начинот на кој му пристапуваме на човекот како целина.

Цел на модулот

Целта на Модул 2 е да ја развиеме перцепцијата и свесноста за биоенергетското поле и неговото значење во примената на звукот.

Посебно внимание ќе посветиме на менталниот фокус, внатрешниот став и внатрешните слики, како важни елементи во Peter Hess® звучните методи.

Преку лично искуство, практична работа и работа во индивидуални и групни услови, учесниците ќе имаат можност да ја продлабочат својата чувствителност за звук, способноста за резонанца и интуитивниот пристап во работата.

Што ќе научиш?

Во текот на едукацијата ќе се запознаеш со нови елементи и начини на примена на звучните чинии и Фенг гонг, со фокус на јакнење и балансирање на суптилното тело и поддршка на здравјето од холистички аспект.

Новите знаења постепено ќе се интегрираат во веќе усвоената Peter Hess® звучна масажа, а практичната работа ќе овозможи нивно непосредно доживување и примена.

Семинарот создава и простор за меѓусебна размена и практична работа меѓу учесниците, преку која секој ќе може да ги испроба и продлабочи новостекнатите вештини.

Програма

• Биоенергетското поле и неговото значење во примената на звукот

• Чувство и доживување на биоенергетското поле

• Усвојување нови елементи во работата со звук

• Примена на Фенг гонг

• Интегрирање на новите елементи во Peter Hess® звучната масажа

• Практично и самостојно изведување на научените техники

  
  

За кого е наменет Модул 2?

Модул 2 е наменет за учесниците кои сакаат да го продолжат своето образование во Peter Hess® звучните методи и да ги надградат знаењата и практичните вештини стекнати во првиот модул.

Предуслов за учество е завршен Peter Hess® звучна масажа – Модул 1.

По успешно завршување на семинарот, учесниците добиваат сертификат од Peter Hess® Институтот од Германија.

Едукацијата ја води:

Снежана Станојкова - Peter Hess® практичар и едукатор
Контактирај ме за повеќе информации

Основни информации

Датум: 17.10 и 18.10.2026
Време: сабота и недела, 10:00 – 18:00 часот
Траење: 16 наставни часа
Место: Центар за звукотерапија „Energy Healing“– Куманово
Котизација: 18.000 денари

Нов/а си во светот на Peter Hess® звучните методи?
→ Започни со Модул 1